Azərbaycan Respublikası Baş nazirinin müavini Şahin Mustafayevin RİM Qrupunun nümayəndə heyəti ilə görüşü baş tutub17 noyabr 2021-ci ildə Azərbaycan-Rusiya işgüzar şurasının İdarə heyətinin sədrinin iştirakı ilə, Azərbaycan Respublikası Baş nazirinin müavini Şahin Mustafayevin Rusiya İxrac Mərkəzi (RİM) Qrupunun nümayəndə heyəti ilə görüşü baş tutub.
Görüşdə qeyd edilmişdir ki, Azərbaycan-Rusiya işgüzar şurasının dəstəyi ilə RİM və Rusiya Sənaye və ticarət nazirliyinin təşkilatçılığı ilə, 17-18 noyabr tarixlərində Bakıda biznes missiyası çərçivəsində Rusiya ixracatçıları yaşayış məntəqələrinin rəqəmsal şəhər formatında inkişafı və tikintisi sahəsində öz məhsul və xidmətlərini təqdim edirlər.
Rusiya şirkətlərinin əməkdaşlığa marağı daim artır və bu, son yarım il ərzində yüksək səviyyədə keçirilən artıq ikinci böyük tədbirdir. İşgüzar missiyanın meydançasında 31 Rusiya şirkəti infrastruktur layihələri və Azərbaycandakı tərəfdaşlarla bağlı müasir rəqəmsal həllərin tətbiqi sahəsində öz potensial və effektivliyini nümayiş etdirir. Öz növbəsində, RİM Qrupu Azərbaycanda yeni layihələrin həyata keçirilməsi üçün dəstək alətləri, o cümlədən maliyyə alətləri təklif edir.
Həmçinin, görüş zamanı Azərbaycan Respublikası Baş nazirinin müavini yanında Rusiya-Azərbaycan marşrutu üzrə birgə "Aqroekspress" layihəsi, infrastruktur layihələrinin həyata keçirilməsi zamanı Rusiya avadanlıqlarının cəlb edilməsi və Azərbaycanın dövlət nəqliyyat şirkətlərinin texniki bazasının yenilənməsi, habelə, digər aktual məsələlər müzakirə olunub.
Rusiya şirkətlərinin Azərbaycana biznes missiyası çərçivəsində "ağıllı şəhər" konsepsiyasının inkişafı müzakirə olunur17-18 noyabr 2021-ci il tarixlərdə Azərbaycan Respublikası İqtisadiyyat Nazirliyi, Azərbaycanda İxracın və İnvestisiyaların Təşviqi Fondu (AZPROMO), Rusiya İxrac Mərkəzi (RİM) və Azərbaycan-Rusiya işgüzar şurasının dəstəyi ilə Bakıda dövlət qurumları və biznes strukturlarının iştirakı ilə biznes missiyası keçirilir. Biznes missiyada hər iki ölkədən şəhər infrastrukturunun inkişafı və smart texnologiyaların tətbiqi sahəsində çalışan 70-dən çox şirkət iştirak edir.
Tədbirin ilk günündə çıxış edən iqtisadiyyat nazirinin müavini Elnur Əliyev hər iki ölkənin işgüzar dairələri arasındakı münasibətlərin yüksək səviyyədə olduğunu qeyd edib. Qeyd edilmişdir ki, cari ilin oktyabr ayında, prezident İlham Əliyevin iştirakı ilə, "Araz Vadisi İqtisadi Zonasında" KAMAZ Servis Mərkəzinin təməlqoyma mərasimi keçirilib. Şirkət azad edilmiş ərazilərdə yaradılmış "Araz Vadisi İqtisadi Zonasının" ilk rezidenti olub. Bu isə ikitərəfli münasibətlərin inkişafında növbəti uğur deməkdir. Həmçinin, Elnur Əliyev iştirakçıları Azərbaycanda şəhər infrastrukturunun yaxşılaşdırılması istiqamətində görülən işlər barədə də məlumatlandırıb və biznes cəmiyyətlərini bu sahədə daha fəal əməkdaşlığa çağırıb.
Azərbaycan-Rusiya işgüzar şurasının İdarə heyətinin sədri Səməd Qurbanov, çıxış edərək, 23 iyul 2021-ci il tarixində keçirilən ilk işgüzar missiyanın layihələrinin praktiki həyata keçirilməsindən danışıb. Birinci missiya zamanı qəbul edilmiş qərar əsasında Cəbrayıl rayonunda KAMAZ servis mərkəzinin təməli qoyulmuşdur. Həmçinin, birinci missiya çərçivəsində, Rusiyanın "RM Reyl" şirkəti tərəfindən 100 dəmir yolu vaqonunun tədarükü üzrə layihə həyata keçirilib. Sentyabr ayında vaqonlar Bakıya gəlib. Həmin vaqonlar daxili və beynəlxalq yük daşımaları xətlərində fəal istifadə olunur. İkinci missiya çərçivəsində əməkdaşlığın genişləndirilməsi və tədarük həcminin artırılması ilə bağlı danışıqlar aparılır. Birinci missiya çərçivəsində, "Alliance Logistics" və "RJD Logistika" şirkətləri "Aqroekspress" layihəsi üzərində işə başlayıblar. Artıq yaxın zamanlarda ilk yüklərin Rusiyaya göndərilməsi planlaşdırılır. Səməd Qurbanov biznes missiyalarının müsbət nəticələrini vurğulamış və biznesi təklif olunan yeni layihələrə, o cümlədən ölkənin azad edilmiş ərazilərinin bərpa edilməsi üzrə layihələrə diqqət yetirməyə çağırmışdır.
Ələt azad iqtisadi zonasının İdarə heyətinin sədri Valeh Ələsgərov, çıxış edərək, biznes missiyası iştirakçılarına bu iqtisadi zona, habelə, investorlar üçün bütün üstünlüklər haqqında ətraflı məlumat vermiş və Rusiya şirkətlərini əməkdaşlıqla bağlı danışıqların aparılmasına dəvət etmişdir.
Tədbir zamanı həmçinin "Rusiya ixrac mərkəzi" SC-nin baş direktoru V.O.Nikişinanın, Rusiya Federasiyasının Azərbaycan Respublikasındakı fövqəladə və səlahiyyətli səfiri M.N.Boçarnikovun, Rusiya Federasiyası Sənaye və ticarət nazirinin müavini V.S.Osmakovun, Azərbaycan Respublikasının Rəqəmsal inkişaf və nəqliyyat nazirinin müavini R.D.Hümmətovun, Roseksimbank SC İdarə heyətinin sədri A.M.Talıbovun, Azərbaycan Respublikasının Kiçik və orta biznesin inkişafı agentliyinin sədri O.V. Məmmədovun, Rusiya-Azərbaycan işgüzar şurasının sədri A.Y. Repikin və digər rəsmilərin salamlama çıxışları baş tutub.
Tədbir çərçivəsində "Rusiya ixrac mərkəzi" SC ilə Azərbaycan Respublikasının Kiçik və orta biznesin inkişafı agentliyi arasında qarşılıqlı anlaşma memorandumu imzalanıb.
Tədbir Azərbaycan və Rusiya şirkətləri arasında ikitərəfli görüşlərin keçirilməsi və danışıqların aparılması ilə davam etdirilib.
İşgüzar Şura Krasnodar vilayətinin biznes missiyasında iştirak edibAzərbaycan-Rusiya İşgüzar Şurası Krasnodar vilayətinin İxraca dəstək mərkəzinin təşkilatçılığı ilə 6-8 oktyabr 2021-ci il tarixində keçirilmiş Krasnodar müəssisələrinin Azərbaycana biznes missiyasında iştirak edib.
Krasnodar nümayəndə heyətinin tərkibinə qida məhsulları, qablaşdırma materialları, tullantıların emalı, informasiya texnologiyaları sahəsində fəaliyyət göstərən müəssisələr - "Bestoil" MMC, "Apostolye" MMC, "Bazis plyus" MMC, "Kuban kartonaj fabriki" MMC, "Liqa-pak" MMC, "Eko-spektrum" MMC, "İnform-Sistemı" MMC, "Bolşoy slon" və s. daxil olmuşdur.
Azərbaycan-Rusiya İşgüzar Şurası ilə iş görüşü zamanı Krasnodar sahibkarları öz məhsul və xidmətləri barədə ətraflı məlumatlar təqdim edib, əməkdaşlıq imkanlarını müzakirə ediblər.
Biznes missiyası çərçivəsində B2B sessiyası, habelə, Azərbaycan müəssisələrində görüşlər təşkil edilmişdir.
İşgüzar şuranın üzvü vaqon parkının genişləndirilməsi üzrə layihəni həyata keçiribAzərbaycan-Rusiya işgüzar şurasının üzvü olan «Alliance Logistics» şirkətinin Rusiyanın «RM Reyl» şirkətindən əldə etdiyi 100 ədəd yeni yük vaqonu Bakıya çatıb.
Layihə, Azərbaycan-Rusiya işgüzar şurasının və Rusiya İxrac Mərkəzinin dəstəyi ilə, «Roseksimbank» SC-nin maliyyə iştirakı ilə, həyata keçirilib.
«Alliance Logistics» MMC «Azərbaycan Dəmir Yolları» QSC-nin ekspeditorudur və, beləliklə, yeni vaqonlar Azərbaycanın daxili və beynəlxalq yük daşımaları xətlərində işə salınacaq, bununla da, tranzit imkanlarının genişləndirilməsinə və "Şimal-Cənub", habelə, "Şərq-Qərb" beynəlxalq nəqliyyat dəhlizləri çərçivəsində yük axınının artmasına səbəb olacaq.
«RM Rail» şirkəti Rusiyanın aparıcı yük hərəkət tərkibləri istehsalçısıdır və «Ruzximmaş», «VKM-Stal», «Abakanvaqonmaş», «RM Reyl RVS», «Neon», «VKM-Servis» və «RM Reyl İnjinirinq» kimi müəssisələrini özündə birləşdirir. 
