Rostov müəssisələrinin Azərbaycana biznes-missiyası təşkil olunub16-18 iyun 2021-ci il tarixlərində Azərbaycan-Rusiya İşgüzar Şurası və Rusiya Federasiyasının Rostov vilayətinin Ticarət və Sənaye Palatasının dəstəyi ilə Rostov müəssisələrinin Azərbaycana biznes-missiyası təşkil olunub.
Biznes-missiya çərçivəsində kənd təsərrüfatı, gəmiqayırma, logistika, balıqçılıq sənayesi, tikinti və tibb sahələrində fəaliyyət göstərən Azərbaycan və Rostov şirkətləri arasında ikitərəfli görüşlər keçirilib.
Rostov vilayətinin nümayəndə heyətinə “RİF” SC (gəmiqayırma, balıqçılıq sənayesi, logistika), “SBL-Region” MMC (tikinti materialları istehsalı), “Agroİmpex” MMC (orqanik gübrələr və pestisidlərin istehsalı), “T SİSTEMA” MMC (tibbi məhsulların istehsalı) şirkətləri daxil idilər.
B2B görüşlər zamanı “AzProduct” MMC, “Caspian Service” MMC, “PASHA Construction” MMC, “AMASS” MMC, “Agro Food Investments” MMC, “Nabucco A&C” MMC, “AqroServis” ASC, “Azerbaijan Poultry Company” MMC, “Medeks” MMC, “AKI Pharm” MMC, “Azerbaijan Flower Company” MMC, “Avromed” MMC, “Agro Dairy” MMC, “Azersun Holding” MMC nümayəndələri ilə danışıqlar aparıldı.
Missiya iştirakçıları həmçinin, Səhiyyə, Ekologiya və Təbii Sərvətlər nazirliklərinin, Azərbaycan Xəzər Dəniz Gəmiçiliyinin nümayəndələri ilə görüşüb, fikir mübadiləsi aparıblar.
Rostov nümayəndə heyəti biznes-missiya çərçivəsində Bakı Beynəlxalq Dəniz Ticarət Limanı ilə tanış olub və əməkdaşlığın genişləndirilməsini müzakirə ediblər.
Biznes-missiyanın iştirakçıları Azərbaycana səfərdən məmnunluqlarını bildirib və missiyanın iş adamları arasında əlaqələrin genişlənməsində əhəmiyyətini vurğulayıblar.
Azərbaycan-Rusiya və Rusiya-Azərbaycan İşgüzar Şuralarının geniştərkibli iclası keçirilibAprelin 26-da Azərbaycan-Rusiya və Rusiya-Azərbaycan İşgüzar şuralarının geniştərkibli birgə iclası keçirilib.
Tədbirdə hər iki tərəfdən rəsmi şəxslərlə yanaşı, sənaye, tikinti, kənd təsərrüfatı, tekstil, bank, qida, loqistika və s. sahələrdə fəaliyyət göstərən 100-ə yaxın şirkətin nümayəndələri iştirak edib.
Azərbaycan-Rusiya İşgüzar Şurasının idarə heyətinin sədri Səməd Qurbanov Rusiyanın Azərbaycanın əsas iqtisadi-ticarət tərəfdaşlarından olduğunu vurğulayıb, təmsil etdiyi İşgüzar Şuranın iş adamları arasında əlaqələrin genişləndirilməsi, işgüzar dairələr və dövlət qurumları arasında dialoq yaratmaq, yeni əməkdaşlıq imkanlarını araşdırmaq istiqamətində fəaliyyəti barədə məlumat verib.
Rusiya-Azərbaycan İşgüzar Şurasının sədri Aleksey Repik iki ölkə arasında ticarət, investisiya qoyuluşu və digər sahələrdə əməkdaşlığın həyata keçirildiyini, Azərbaycan iş adamlarının Rusiyada bir sıra uğurlu layihələr reallaşdırdığını bildirib, iqtisadi əməkdaşlığın inkişafı istiqamətləri barədə fikirlərini bölüşüb.
İclasda çıxış edən Azərbaycan Respublikasının iqtisadiyyat nazirinin müavini Elnur Əliyev ölkələrimiz arasında münasibətlərin artan dinamikasında qarşılıqlı səfərlərin, yüksək səviyyəli görüşlərin mühüm əhəmiyyətini qeyd edib. Bildirilib ki, hazırda Azərbaycanda 1000-dən çox Rusiya şirkəti fəaliyyət göstərir. Qeyd olunub ki, Azərbaycan-Rusiya əlaqələrinin əsas istiqamətlərindən biri ticarətdir və bu sahədə əməkdaşlığın genişləndirilməsi üçün kompleks tədbirlər görülür. Azərbaycanın Rusiya ilə ticarət və investisiya qoyuluşu sahələrində əməkdaşlığın davam etdirilməsində maraqlı olduğunu vurğulayan Elnur Əliyev biznes təşəbbüslərinin stimullaşdırılmasında, işgüzar dairələr arasında əməkdaşlığın inkişafında və yeni əlaqələrin qurulmasında Azərbaycan–Rusiya və Rusiya-Azərbaycan İşgüzar Şuralarının rolunu qeyd edib.
Rusiya Federasiyasının iqtisadi inkişaf nazirinin müavini Dmitriy Volvaç ölkəsinin Azərbaycanla münasibətlərə böyük önəm verdiyini Rusiya və Azərbaycan arasında iqtisadi-ticarət əlaqələrin inkişaf etdiyini vurğulayıb. Bildirilib ki, kənd təsərrüfatı, nəqliyyat, sənaye və s. sahələrdə əməkdaşlıq imkanları genişdir və bu baxımdan işgüzar şuraların fəaliyyəti önəmlidir. D.Volvaç ikitərəfli əlaqələrin inkişafında regional əməkdaşlığın genişləndirilməsinin önəmli olduğunu da diqqətə çatdırıb.
Görüşdə hər iki ölkənin müvafiq dövlət qurumlarının nümayəndələri və iş adamları tərəfindən Azərbaycan və Rusiyanın biznes və investisiya mühiti barədə çıxışlar edilib, iqtisadi tərəfdaşlığın genişləndirilməsi barədə fikir mübadiləsi aparılıb.
Bakı - Sankt-Peterburq - Moskva: Postpandemiya dövründə turizm sahəsində əməkdaşlıq27 aprel 2021-ci il tarixində “Postpandemiya dövründə Sankt-Peterburq, Moskva və Bakı şəhəri arasında turizm sahəsində əməkdaşlıq” mövzusunda onlayn forum keçirilib.
Forumda 2019-cu ildə Azərbaycan-Rusiya və Rusiya-Azərbaycan İşgüzar Şuralarının təsis etdiyi “Turizm Alyansı” iştirak edib.
Onlayn formatda keçirilən tədbir panel sessiyası və üç şəhərin turizm operatorlarının iştirakı etdiyi B2B görüşləri olmaqla, iki hissədən ibarət olub.
Panel sessiyası çərçivəsində “Turizm Alyansı”, Azərbaycan Turizm Bürosu, Sankt-Peterburqun Turizmin İnkişafı üzrə Komitəsi, Moskva şəhərinin Turizmin İnkişafı üzrə Komitəsi və Azərbaycan Turizm Agentlikləri Assosiasiyasının nümayəndələri cari vəziyyəti, postpandemiya dövründə üç şəhər arasında əməkdaşlıq, birgə marketinq fəaliyyəti üçün imkanlar, turizm məhsullarının birgə təbliği və s. məsələləri müzakirə edib.
Tədbir üç şəhərin turizm operatorlarının B2B görüşləri ilə davam edib: Sankt-Peterburq - BSI Group, All Tours, Flamingo Travel; Moskva - Petrotur, TourTransVoyage, Vand Voyage, More Travel, Premiera, Amigo Tours, Vash Otdykh; Bakı - Greenwich Travel Club, Silk Row Travel, PASHA Travel, Victory Tour, Caspian Breeze Travel & MICE, Millenium Tourism, Rayda Tour Operator, Alison Travel, Online Travel, Weekend Travel.
“Tikinti və infrastruktur”: Rusiya Federasiyasının Şimali Qafqaz Federal Dairəsinin şirkətlərinin biznes missiyası23 aprel 2021-ci il tarixində Azərbaycan-Rusiya İşgüzar Şurası və “Rusiya İxrac Mərkəzi”nin Azərbaycan Nümayəndəliyinin birgə təşkilatçılığı ilə Rusiya Federasiyasının Şimali Qafqaz Federal Dairəsinin şirkətlərinin ölkəmizə “Tikinti və infrastruktur”onlayn biznes missiyası keçirilib.
Tədbirin rəsmi hissəsində Azərbaycan Respublikasının iqtisadiyyat nazirinin müavini Elnur Əliyev, “Rusiya İxrac Mərkəzi” SC-nin baş direktoru Veronika Nikişina, “AZPROMO” Azərbaycanda İxracın və İnvestisiyaların Təşviqi Fondunun prezidenti Yusif Abdullayev, Rusiya Federasiyası İqtisadi İnkişaf Nazirliyinin İnteqrasiya Layihələrinin İnkişafı Departamentinin direktor müavini Andrey Klintseviç, “Rusiya İxrac Mərkəzi” SC-nin Azərbaycan Nümayəndəliyinin rəhbəri Nuri Quliyev və “Roseksimbank” SC-nin İdarə Heyətinin sədri Azər Talıbov giriş sözü ilə çıxış ediblər.
Daha sonra onlayn tədbir şirkətlər arasında sessiya zalları üzrə B2B formatında işgüzar danışıqlarla davam edib.
Danışıqlarda 17 Rusiya və 11 Azərbaycan şirkəti iştirak edib.
Rusiya tərəfindən iştirak edən şirkətlər: “Niva Greenhouses”, “Toçinvest”, “Tokar”, “Divisus”, “Oteçestvennıy Kompleks Sistem Oqrajdeniy”, “Vodakom”, “BL Group”, “Şerbinskiy Liftostroitelnıy Zavod”, “Kinqspan Nevinnomıssk”, “Ekotar”, “Dagestanskiy Kombinat Stroitelnıx Materialov”, “Konsern KEMZ”, “Ferroni”, “Ximprodukt”, “Uniservis”, “Kerranova Plyus”, “Betanet”.
Azərbaycan tərəfindən iştirak edən şirkətlər: “Material Group”, “DASHYUNU.AZ”, “RR Group”, “Caspian Service”, “Universal Pro”, “Karvan-L”, “Azərbaycan Meyvə-Tərəvəz İstehsalçıları və İxracatçıları Assosiasiyası”, “Grow Group”, “Akabe”, “Okuklu Holding”, “Assa Abloy”.
Tambov və Azərbaycanın biznes dairələri arasında əməkdaşlıq əlaqələri genişlənməkdədir16 mart 2021-ci il tarixində Azərbaycan-Rusiya və Rusiya-Azərbaycan işgüzar şuralarının dəstəyi ilə Azərbaycanın və Tambov vilayətinin müəssisələrinin iştirakı ilə onlayn biznes missiyası keçirilib.
Biznes missiyasının məqsədi sənaye, tikinti, qida məhsulları, tibb, logistika və s. sahələrdə birbaşa əlaqələrin qurulması və əməkdaşlığın genişləndirilməsi olub.
Onlayn rejimdə keçirilən konfransda N.S.Artyomov adına “Komsomolets” Tambov zavodu, “Piqment” İSC, “Mielta Texnologiyi”, “Sürüşmə podşipnikləri zavodu” SC, “Firma Server” MMC və s. öz məhsullarını təqdim edib.
Daha sonra Azərbaycanın “Azertechnoline” MMC, “Agro-Azerinvest” MMC, “Azersun Holding”, “AHEC” MMC, “Formag Baku” kimi şirkətləri öz məhsul və xidmətlərini təqdim edib. “Matanat A”, “NB Group”, “Ramzi-S”, “Socar Polymer” və digər şirkətlər də tədbirdə iştirak edib.
Onlayn tədbir çərçivəsində regional ticarət şəbəkələri “Oqonyok”, “Begemot” və Azərbaycanın qida məhsulları istehsalçıları arasında danışıqlar aparılıb.
Konfrans əməkdaşlıqda marağı olan Azərbaycan və Tambov şirkətləri arasında onlayn B2B görüşlərlə davam edəcək. 
